17 ноя 08:01
Янгиликлар

Теннис

Якуний ATP турнири. Медведевда иккинчи ғалаба ва у муддатидан аввал 1/2 финалда!

Италиянинг Турин шаҳрида теннис бўйича рейтинги баланд саккиз нафар ракетка усталари иштирокидаги ATP Якуний турнири давом этмоқда.

Дунёнинг иккинчи ракеткаси бўлиб турган Даниил Медведев муддатидан аввал ярим финал йўлланмасини қўлга киритди. Россиялик теннисчи иккинчи учрашувида рейтингда ўзидан бир поғонада пастда турган германиялик Александр Зверевни 6/3, 6/7(3), 7/6(6) ҳисобларида мағлуб этди.

Икки соату 35 дақиқа давом этган баҳсда 25 ёшли Медведев 14 та, 24 яшар Зверев эса 18 та эйс зарбасини ижро этди. Теннисчиларнинг ўзаро учрашувларидаги ҳисоб мувозанати тикланди - 5:5.