20 фев 20:45
Янгиликлар
Яна бир ўзбек спортчисига автомобиль совға қилинди
2019 йил 21-25 август кунлари Венгриянинг Цегед шаҳрида ўтказилган сув спортининг эшкак эшиш турлари бўйича жаҳон чемпионатида фарғоналик Азизбек Абдулҳабибов фахрли 4-ўринни эгаллаб, жорий йил Япониянинг Токио шаҳрида бўладиган ХVI ёзги Паралимпия ўйинларига йўлланмани қўлга киритган эди.
Бугун Фарғона вилояти Фурқат тумани “Кўк дўппи” қишлоғида туғилиб ўсган Азизбек Абдулҳабибов Фарғона вилояти ҳокимлиги томонидан NEXIA-3 русумли автомашина билан тақдирланди.
Шу муносабат билан ташкил этилган тантанали тадбирда спортчи, унинг оила аъзолари ва яқинлари ҳамда вилоят спорт жамоатчилиги иштирок этди. Тадбирда сўзга чиққан Азизбек Абдулҳабибов кўрсатилаётган ғамхўрлик ва эътибор учун ҳукуматимизга миннатдорлик изҳор қилди ва Паралимпия ўйинларининг параканоэ йўналишида ватанимиз байроғини юқори кўтариш учун астойдил ҳаракат қилишини билдирди.
Биз ҳам ўз навбатида Азизбек Абдулҳабибов Японияда бўлиб ўтадиган ХVI ёзги Паралимпия ўйинларида юқори натижалар кўрсатишига ишонч билдирамиз.
Фикрлар
Sportchilarimizga avtomobillar sovgʻa qilinayotgan bir paytda Fan olimpiadalarida munosib qatnashib birinchilikni olib qaytgan yurtdoshlarimizga haliham xoʻja koʻrsin tariqasida faxriy yorliqlar bilan kutib olinishi oddiy holga aylanib qoldi. Ahvol shu tarzda ketadigan boʻlsa kelajak yosh avlod koʻz oʻngida bilimdon yoshlar orzu-umidini sindirib qoʻymasmikinmiz?! Yaqinda ijtimoiy tarmoqlarda bir oʻzbek bolasining Xalqaro Matematika olimpiadasida 1-oʻrinni olgani va unga eng "qadrli"ga aylanib ulgurgan faxriy yorliq topshirildi. BILIMDON YOSHLARIMIZ BUNDANDA KOʻPAYSIN!!!