Яна бир йигит сўзидан қайтди...

Ҳаваскорлар ўртасида жаҳон ва Европа чемпиони бўлган “Бўри” 3-8 июль кунлари Венесуэлада ўтадиган “Рио-2016”га саралаш турнида иштирок этишдан бош тортди.

- Биз вазиятни диққат билан таҳлил қилиб, шундай фикрга келдик, - дейди Бетербиевнинг промоутери Ивон Мишель. – Артурнинг яқин вақтдаги энг катта орзуси профессионаллар ўртасида ҳам жаҳон чемпиони бўлиш. У сентябр ойида яна рингга қайтади.

Таъкидлаш керак, 2013 йилдан буён профессионал боксда фаолият олиб бораётган Артур Бетербиев ҳозирда WBC ва WBA рейтингида 4, WBO рейтингида 7, IBF йўналиши рейтингида эса 2-ўринни эгаллаб турибди.

31 ёшли спортчи ҳозирга қадар профессионал боксда 10та жанг ўтказиб, уларнинг барчасида муддатидан аввал ғалаба қозонган. Ҳозирда Монреаль шаҳрида истиқомат қилаётган бўлажак юлдуз сўнгги жанггини шу йилнинг 4 июнь куни аргентианлик Эзекиэль Освальдо Мадернага (23-2-0) қарши ўтказиб, тўртинчи раундда рақибини рингга қулатган эди.