11 мар 12:00
Янгиликлар

Теннис

Янник Синнер Индиан-Уэллс "Мастерс" 1/4 финалида

Дунёнинг иккинчи ракеткаси Янник Синнер АҚШнинг Индиан-Уэллс шаҳрида давом этаётган "Мастерс" сериясига кирувчи турнирнинг чорак финал иштирокчисига айланди.

Италиялик теннисчи нимчорак финалда ATP рейтингида 35-поғонада бораётган бразилиялик Жоао Фонсекани қийинчилик билан мағлубиятга учратди - 7:6 (8:6), 7:6 (7:4).

Икки соату бир дақиқа давом этган баҳсда Синнер 15, Фонсека 9 та эйс зарбасини амалга оширган. Янник 1 та, Жоао 3 та қўшхатога йўл қўйди. Энди Синнер 1/4 финалда ATP рейтингида 27-ўринни эгаллаб турган америкалик Лёнер Тьенга қарши кортга чиқади.