11 июн 16:56
Янгиликлар

Янник Синнерга дунёнинг биринчи ракеткаси нишони сифатида кубок топширилди + ФОТО

Australian Open 2024 чемпиони Янник Синнер "Ролан Гаррос" турниридан сўнг дунёнинг биринчи ракеткасига айланган эди.

Италиялик 22 ёшли теннисчи анъанага кўра дунёнинг биринчи ракеткаларига топшириб келинадиган махсус кубокни қабул қилиб олди. Синнер ATP ёки WTA рейтинги пешқадами бўлган биринчи италиялик теннисчи ҳисобланади. Ундан олдин ҳеч бир италияликка бу бахт кулиб боқмаганди.

Махсус Кубокни унга ватандоши, ATP раҳбари Андреа Гауденци топширди. Ушбу маросим Монте-Карло "Мастерс" турнирини қабул қилувчи теннис аренасида бўлиб ўтди.