Япония холдинги раҳбари Токио -2020 ҳомийлик шартномалари учун пора олганликда айбланиб ҳибсга олинди

Кадокава Токио-2020 ташкилий қўмитасининг собиқ аъзоси Харуюки Такахаши бошқарувидаги консалтинг компаниясига пора берганликда гумон қилинмоқда. Гап 69 миллион иен (тахминан 481 минг АҚШ доллари) ҳақида бормоқда. 

Тахминларга кўра, Кадокава 2019 йил сентябридан 2021 йил январигача Олимпиада учун ҳомийлик шартномаларини олишга умид қилиб, маблағ ўтказган. 2019 йилда компания китоблар ва журналларни чиқариш учун Ўйинларнинг ҳомийи бўлганлиги эълон қилинганди.

Аввалроқ Такахаси, шунингдек ёзги ўйинларнинг ҳомийси бўлган АОКI эркаклар ва офис кийимлари компанияси раҳбари Хиронори Аоки ҳам коррупция иши бўйича ҳибсга олинган эди.

Маълумот учун, Токио Олимпиадаси 2021 йилнинг 23 июлидан 8 августига қадар бўлиб ўтган.