Японияда йўқолган угандалик оғир атлетикачи Жулиус Секитолеко уйига қайтди

Япония полицияси Жулиусни топди ва у ўз мамлакатига қайтди. Уганда ташқи ишлар вазирининг сўзларига кўра, оғир атлетикачи Олимпия терма жамоасининг одоб-ахлоқ қоидаларини бузган, аммо энди унга психологик ёрдам кўрсатилади.

Аввалроқ, Японияда ўз жамоаси жойлашган манзилдан ғойиб бўлган Секитолеко Угандага қайтиб боришни истамаслигини, у ерда ҳаёт қийин бўлганлиги ҳақида ёзиб қолдирганлиги ва ўз делегацияси аъзоларидан нарсларини рафиқасига етказиб беришни илтимос қилгани ҳақида хабар берилган эди. Оғир атлетикачининг йўқ бўлиб қолгани унинг ёнига коронавирус тестини олиш учун келишганида аниқланди. Спортчи ўз хонасида бўлмаган. Кейинчалик у Японияда тезюрар поездга чипта сотиб олгани маълум бўлди.