14 янв 12:56
Янгиликлар

Бокс/ММА

Япониялик чемпион Санжар Зокировнинг чақирувига қандай жавоб берди? (ФОТО)

Ўзбекистонлик таниқли ММА жангчиси Санжар Зокиров аввалроқ, ўта енгил вазн тоифасида ONE Championship Лигасининг амалдаги чемпиони Юя Вакаматсу билан жанг қилиш истагини билдирганди.

Зокиров чемпионлик камари учун баҳсни 10 апрель куни Бангкокда (Таиланд) ташкил этиладиган ONE Fight Night 42 турнири доирасида ўтказишни таклиф қилганди.

Вакаматсунинг жавоби эса қуйидагича бўлди:

"Япониядаги турнир ҳақида нима дейсан? Япония ажойиб мамлакат", деб ёзган Юя.

Маълумот ўрнида, 29 апрель куни Япониянинг Токио шаҳрида ONE 175 турнири бўлиб ўтади.

22 яшар "Торнадо" Зокиров фаолияти давомида ҳозиргача 14 та жанг ўтказиб, уларнинг барчасида рақибларидан устун келган. 30 ёшли Вакаматсу ҳисобида эса 20 ғалаба ва 6 та мағлубият бор. У ўз чемпионлик камарини бир марта муваффақиятли ҳимоя қилиб улгурган.