Яшнободдаги 1-БЎСМда ҳакамлар учун ўқув-семинар ташкил этилди

Ўзбекистон Республикаси Жисмоний тарбия ва спорт вазирлиги ҳамда Ўзбекистон бел олиш ва уч кураш ассоциациясининг йиллик тақвим-режасидаги мазкур чемпионат олдидан кеча 22 февраль куни  режага мувофиқ, ҳакамлар учун ассоциация бош котиби Носир Азизов ва бошқа тегишли мутахассислар иштирокидаги ўқув-амалий семинар ўтказилди.

- Мазкур семинарни ўтказишдан мақсад – бел олиш ва уч кураш бўйича ҳакамларнинг билим ва тажрибасини бойтиб бориш, қайта синовдан ўтказиш, - дейди ассоциация бош котиб Носир Азизов. - Мусобақаларда иштирок этиш учун спортчи ойлаб, йиллаб тайёргарлик кўради, яхши орзу-умидлар билан, бор маҳоратини ишга солиб кураш тушади, шундай пайтда ҳакамларимизни хато ва камчиликларга йўл қўймаслиги зарур ва шарт. Шундай экан ҳалоллик билан, адолат билан, билим ва тажрибага таяниб ҳакамлик қилиши учун ҳар бир мусобақа олдидан ва кейин бу каби семинарлар ташкил этиб борамиз. Бундан ташкари шу йил май ойида Фарғонада ўтиши режалаштирилаётган ўсмирлар ўртасидаги жаҳон чемпионатида ҳам ҳакамларимизни иштирок этишлари учун босқичма-босқич тайёрлаб бориш ва халқаро даражадаги ҳакамлик сертификатларига эга бўлишини таъминлашдан иборат бўлади.