Яхши хабар! Жон Жонс қайтмоқда, унинг рақиби енгилмас Bellator жангчиси

Унинг рақиби оғир вазнда мағлубият нималигини билмай келаётган Bellator жангчиси Жейк Хэгер бўлади. Жейк WWE промоушенининг суперюлдузи ҳам ҳисобланади.

"Тезкор хабар! Мамнуният ила дунёдаги энг кучли грепплинг ташкилоти Fury Grappling промоушени байроғи остида жанг ўтказишимни маълум қилмоқчиман. 9 декабрь куни WWE суперюлдузи, енгилмас Bellator жангчиси Жейк Хэгер рақибимга айланади", - дея ўзининг Твиттер саҳифасида хабар қолдирган Жонс.

Америкалик 39 ёшли рестлер Жейк Хэгер Bellator промоушенида 4 та профессионал жанг ўтказиб, уларнинг 3 тасида ғалаба қозонган. Икки жангни муддатидан аввал якунлаган. Битта жангида белдан пастга тиззада зарба берилгани боис, ғолиб эълон қилинмаган эди. Хэгер ўтган йилнинг октябрь ойида ҳозирча охиргиси бўлиб турган жангини Брэндон Колтонга қарши ўтказиб, очколар ҳисобига кўра ғалаба қозонганди.