Йилқичилик ва от спорти федерациясига янги Бош котиб сайланди

Унда федерация Бош котибини сайлаш кун тартибига қўйилган асосий масалалар бўлди.

Конференцияни Ўзбекистон Миллий олимпия қўмитаси президенти маслаҳатчиси Назиржон Худойқулов олиб борди. Шунингдек, унда федерация раҳбарияти, Ижроқўм вакиллари ҳам иштирок этди.

Йиғилишда шу пайтгача федерация Бош котиби лавозимида ишлаб келган Элдор Анорбоевнинг ўз хоҳишига кўра лавозимидан бўшаш тўғрисидаги аризаси қабул қилинди. Шундан сўнг унинг ўрнига Нодирбек Ибрагимов номзоди илгари сурилди. Йиғилиш иштирокчилари ушбу номзодни бир овоздан маъқуллашди ва Н.Ибрагимов федерация Бош котиби лавозимига сайланди.

Конференция давомида федерациянинг келажакда қилиниши керак бўлган ишлари борасида тегишли масалалар кўриб чиқилди. Ўзбекистон Миллий олимпия қўмитаси федерациянинг янги раҳбарияти фаолиятида омад ва зафарлар тилаб, ушбу спортни ривожлантириш йўлида куч-ғайрат ёр бўлсин деб қолади.