Йўлдошев Осиё чемпонлиги, яна уч дзюдочимиз бронза учун татамига чиқади

Бугун жами тўртта вазн тоифасида ғолиб ва совриндорлар аниқланади. Терма жамоамиз аъзоларидан биргина Муроджон Йўлдошев (-73 кг) финалга йўл олди. У Осиё чемпионлиги учун япониялик Тацуки Ишиҳарага қарши татамига чиқади.  

Ушбу вазндаги етакчи дзюдочимиз Шаҳрам Аҳадов иккинчи даврада БАА вакили Карим Абдуллаевга ютқазиб қўйди. Кечки дастурда Шарофиддин Болтабоев (-81 кг), Шоҳиста Назарова ва Гулноза Матниязова (иккиси ҳам -70 кг) қитъа чемпионатининг бронза медали учун баҳс олиб боришади.  

Медаль учун татамига чиқадиган дзюдочиларимиз:

Олтин медаль учун

-73 кг: Муроджон Йўлдошев - Тацуки Ишиҳара (Япония)

Бронза медаль учун

-70 кг: Гулноза Матниязова - Ням-Эрдене Батсуури (Мўғулистон)

-70 кг: Шоҳиста Назарова - Ҳён Жи Ю (Корея Республикаси)

-81 кг: Шарофиддин Болтабоев - Юҳеи Оино (Япония)

Эслатиб ўтамиз, кеча Осиё чемпионатининг биринчи кунги беллашувларида Диёра Келдиёрова, Сардор Нуриллаев ва Достон Рўзиев бронза медалига сазовор бўлган эди.