Ёмғир остидаги Тошкент халқаро марафони қандай ўтди? (ФОТОГАЛЕРЕЯ)

Бешинчи бор ташкил этилган мазкур мусобақада 34 мамлакатдан ташриф буюрган спортчилар ғолиблик учун беллашдилар. Яна бир аҳамиятли жиҳати, бир вақтнинг ўзида Республикамизнинг барча вилоятларида «Янги нафас» оммавий югуриш мусобақаси ҳам ўтказилди, дея хабар берди МОҚ матбуот хизмати.

Мусобақанинг очилиш маросимида расмийлардан Ўзбекистон Республикаси Президенти ҳузуридаги хавфсизлик кенгаши котиби, Ўзбекистон триатлон федерацияси раиси Виктор Маҳмудов, Ёшлар сиёсати ва спорт вазири Адҳам Икрамов, МОҚ Бош котиби Ойбек Касимов иштирок этишди. Мутасаддилар мусобақани очиқ деб эълон қилишар экан, бу каби оммавий спорт тадбирларининг ташкил этилиши Президентимиз илгари сураётган соғлом турмуш тарзи тарғиботини кучайтириш, аҳоли саломатлигини мустаҳкамлашда муҳим аҳамият касб этишини таъкидлашди. 

Очилиш маросимидан сўнг беллашувларга старт берилди. Унда минглаб профессионал ва ҳаваскор спортчилар 3 км, 10 км, ярим марафон ва марафон йўналишларида баҳс олиб боришди. Кутилганидек, мусобақага Кенияда тайёргарлик кўрган Ўзбекистон терма жамоаси аъзоси Шоҳруҳ Давлатов ярим марафон дастурида мамлакат рекорди билан марра чизиғини биринчи бўлиб кесиб ўтди. Шунингдек, яна бир қатор вакилларимиз совринли ўринларни қўлга киритишди. Ғолиб ва совриндорлар: 

3 км, эркаклар: 

1. Диёрбек Аҳмедов - 9:16

2. Элдор Ботиров - 9:17

3. Жаҳонгир Рахматуллаев - 9:33

3 км, аёллар: 

1. Анастасия Силченкова - 10:27

2. Гўзал Махаматовалиева - 10:38

3. Ойзира Жўрақулова - 10:43

10 км, аёллар: 

1. Ситора Ҳамидова - 39:34,29

2. Шоҳсанам Хуррамова - 40:46,54

3. Камола Абламова - 42:23,46

Ярим марафон, эркаклар: 

1. Шоҳруҳ Давлатов (Ўзбекистон) - 1:03:37

2. Нодир Муталипов (Ўзбекистон) - 1:06:50

3. Михаил Кулков (Ўзбекистон) - 1:07:51

Ярим марфон, аёллар: 

1. Айнуска Халил кизи (Қирғизистон) - 1:15:47

2. Азиза Мирзакбарова (Ўзбекистон) - 1:21:32

3. Мохинабону Комилова (Ўзбекистон) - 1:24:17

Марафон, эркаклар: 

1. Бахтиёр Ўткиров (Ўзбекистон) - 2:20:13

2.Иля Пянкин (Қирғизистон) - 2:25:61

3.Ислом Амангос (Қозоғистон) - 2:29:58

Марафон, аёллар:

1. Гулшаной Саттарова (Қирғизистон) - 2:46:30

2. Екатерина Василченко (Украина) - 2:59:28

3. Екатерина Тунгускова (Ўзбекистон) - 3:00:29.

Тақдирлаш маросимида кеча тадбир доирасида болалар ўртасида ўтган «Cids Run» йўналишининг ғолиб ва совриндорлари ҳам совғаларни қабул қилиб олишди. Гарчи бугун спортчилар марафон йўналишида Париж-2024 Олимпиадасининг нормативини бажара олмаган бўлсалар ҳам, қимматли рейтинг очколарига эга бўлишди.

Марафондан суратларни томоша қилинг. 

Фото: Алимурод Мамадаминов