Ёқутхон Холбекова ҳам қишки, ҳам ёзги Паралимпия ўйинларида қатнашган спортчи сифатида тарихга кирди

Пара енгил атлетиканинг узунликка сакраш (Т12 йўналишида) бўйича финал баҳслари ниҳоясига етди. Ушбу баҳсларда ҳамюртимиз Ёқутхон Холбекова ҳам иштирок этди.

Финал беллашувлари якунига кўра, ҳамюртимиз 5.32 метр натижа билан 4-ўринни эгаллади. Афсуски, бронза медали учун ҳамюртимизга бор-йўғи 1 сантиметр етишмади. Учинчи ўринни эгаллаган жазоирлик Линда Хамри 5.33 метр натижа қайд этди.

Бугунги иштирок орқали Ёқутхон Холбекова ҳам ёзги, ҳам қишки Паралимпия ўйинларида иштирок этган биринчи спортчимиз сифатида тарихга кирди. У Пёнгчангда ўтказилган қишки Паралимпия ўйинларида тоғ чанғиси баҳсларида иштирок этганди.