Ёш чим устида хоккейчиларимиз покистонлик тенгқурлари билан беллашишди

Бу борада дунёнинг етакчи жамоалари билан ташкил қилинаётган ўртоқлик учрашувлари ёшларимизнинг тажриба орттиришларида катта туртки бўлмоқда.

Шу кунларда юртимизда Покистон спорт ва таълим қўмиталарининг мутасаддилари юртимизда меҳмон бўлиб туришибди. Улар билан бирга ушбу мамлакатнинг ёш спортчилари ҳам Ўзбекистонга келишган. Сафар давомида Андижон вилоятидаги чим устида хоккей майдонида икки мамлакат ёшлари ўртасида ўртоқлик учрашувлари ташкил этилди.

Уларнинг бирида ёшларимиз 4:3 ҳисобида устун келишган бўлса, яна бирида меҳмонларнинг қўли баланд келди. Спорт тилида айтганда, умумий ҳисобда эса дўстлик ғалаба қозонди.