05 окт 05:34
Янгиликлар

Кураш

Ёш полвонлар Гурланда беллашмоқда

Хоразм вилоятининг Гурлан тумани бел олиш ва уч кураш спорт тури бўйича ёшлар ўртасида Ўзбекистон кубоги беллашувларига мезбонлик қиляпти.

Беллашувларда мамлакатимизнинг барча худудларидан келган 500 нафардан зиёд ўғил қиз ғолиблик учун баҳсларга киришди. Дастлабки кун мусобақалар уч курашни кийимлик йўналишида бўлиб ўтди. Ўғил болалар 10 та вазн тоифасида қизлар эса 4 та вазнда ўз маҳоратларини намойиш қилишди.

Шерзод Қўшниёзов, Умиджон Сайдуллаев, Сабина Қидирбоева, Фотима Идиевалар ўз вазн тоифасида ғолиблик шоҳсупасига кўтарилишди.

Шундан кейин Ўзбекистон кубоги баҳслари бел олишнинг чалиш йўналиши бўйича давом эттирилди. Ушбу беллашувларда ўғил болалар 14 та вазн тоифасида, қизлар эса 3 вазнда ўз имкониятларини синовдан ўтказдилар. Ўзбекистон қубоги 7 октябрь куни якунланади.