01 мар 20:13
Янгиликлар

Қиличбозлик

Ёш қиличбозимиз Осиё чемпионатида совриндор бўлди

27 февраль куни Иорданиянинг Амман шаҳрида қиличбозлик бўйича ўсмирлар ва ёшлар ўртасида Осиё чемпионати старт олди.

9 мартгача давом этадиган ушбу қитъа биринчилигида терма жамоамиз вакиллари ҳам иштирок этишмоқда.

Эътиборлиси, мусобақанинг дастлабки кунлари терма жамоамиз учун муваффақиятли якунланди. Сабля йўналишида кечган яккалик баҳсларида Шерзод Мамутов бронза медалига сазовор бўлди. Таъкидлаш жоиз, ярим финал йўлланмаси учун кечган жангда Мамутовга терма жамоамизнинг бошқа бир вакили рақиблик қилган.

Спортчимиз финал остонасида анча тажрибали ҳисобланган япониялик Цубо Хайятога 12:15 ҳисобида имкониятни бой бериб қўйди. Мусобақа давом этмоқда.