Ёш қиличбозлар Қарши шаҳрида рапира йўналишида беллашдилар

Мазкур турнирнинг биринчилиги учун Қашқадарё ҳамда Хоразм вилояти қиличбозлари ўзаро баҳс олиб боришди. Яккалик ҳамда жамоавий баҳслар якуний натижаларига кўра қуйидаги спортчилар ушбу Очиқ турнир совринларига эга бўлдилар:

Қизлар ўртасида яккалик биринчилиги учун олиб борилган беллашувларда Карши шаҳридан Татьяна Кличева шоҳсупанинг юқори поғонасини эгаллаб, биринчи ўринни қўлга киритди. 2-ўринни эса Хивалик (Хоразм вилояти) О.Рузметова эгаллади. Мусобақанинг 3-ўрни Қарши шаҳридан Камила Аллабердиева ва Хоразм вилояти спортчиси А.Ражаббаеваларга насиб этди.

Ўғил болалар ўртасида қизғин кечган яккалик курашида Хивалик қиличбоз А.Зарипбоев ғолибликни қўлга киритиб, мазкур турнирнинг биринчи ўрнига лойиқ деб топилди. 2-ўринни Қарши шаҳридан, Хусан Маруфжлонов эгаллади. 3-ўрин эса, Қашқадарёлик рапиристлар Роман Джураев ҳамда Самандар Хайдаровларга насиб қилди.

Ўғил болалар ҳамда қизлар ўртасида қиличбозликнинг рапира йўналишида ўтказилган жамоавий баҳслар якунига кўра Қарши шаҳри спортчилари 1- ўринни қўлга киритишди.

1-ўрин — Қарши ш.

2-ўрин — Хива ш.

Айтиш керакки, мазкур мусобақа ўзининг аҳамиятлилиги билан ёшлар ўртасида қиличбозликни янада оммалаштириш, келажак авлдод саломатлигини мустаҳкамлаш, кичик ёшдаги спортчиларнинг қиличбозлик бўйича спорт маҳоратларини ошириш, мамлакатимиз минтақалари ўртасида ўзаро дўстлик ва спорт муносабатларини мустаҳкамлаш ҳамда мураббийларнинг тажриба алмашинувини самарали амалга ошириш каби мақсадларга хизмат қилади. 

ЎҚФ матбуот хизмати