Ёшлар ўртасидаги Якуний ATP турнири ғолиби маълум

Ушбу турнир ғолиблигини дунёнинг 110-ракеткаси, сербиялик Хамад Межедович қўлга киритди. У финалда Франция вакили, рейтингда 36-ўринни эгаллаб турган Артюр Фисдан устун келди - 3:4 (6:8), 4:1, 4:2, 3:4 (9:11), 4:1.

Баҳс 2 соату 11 дақиқа давом этган. Хамад учрашув давомида 19 та эйс қайд этган бўлса, 3 марта брейк-пойнтдан унумли фойдаланган ва тўрт марта рақибининг геймларини ютиб олган. Артюрнинг эса 11 та дастлабки узатмаси жавобсиз қолди. Учрашув давомида томонлар биттадан қўшхатога йўл қўйишди.

2021 йили ATP'да дебют қилган 20 ёшли Хамад учун бу илк титул ҳисобланади.