Ёшлар ўртасидаги Якуний ATP турнирининг барча иштирокчилари маълум

Ушбу мусобақада дунёнинг энг кучли саккиз нафар теннисчиси бош соврин учун баҳс олиб боради. Чун Син Цен (Хитой Тайпейи), Франческо Пассаро (Италия) ва Доминик Штрикер (Швейцария)нинг жаҳон рейтингида саккизталикдан тушиб кетмаслиги аниқ бўлди. 

Аввалроқ Лоренцо Музетти, Хольгер Руне, Жек Дрэйпер, Брэндон Накашима ва Иржи Лехечка Якуний турнирдаги иштирокларини кафолатлашган эди. Дунёнинг биринчи ракеткаси Карлос Алькараз, шунингдек Янник Синнер ёш бўйича Якуний турнир талабига тўғри келса-да, улар мусобақада қатнашмасликни лозим топишган. Карлос бу йил илк бор катталар ўртасидаги Якуний ATP турнирида иштирок этади. 

Юқорида келтирилган ёшларнинг якуний рўйхатидан Музетти, Руне ва Накашима Якуний турнирда иккинчи маротаба қатнашишади. Қолганлар эса ўз дебютларини нишонлашади.