25 май 11:38
Янгиликлар

Ўқ отиш, Енгил атлетика

Ёзги биатлончиларнинг сараси аниқланди + ФОТО

Урганч туманининг Чолиш қўрғонида жойлашган ўқув-машғулот майдонида 2003 йилда туғилган ва ундан кичик ёшдаги ўсмирлар ўртасида ёзги биатлон бўйича Хоразм вилояти чемпионати ўтказилди.

“Мен ғолиб!” шиори остида уюштирилган мазкур мусобақада Ўзбекистон республикаси Мудофаасига кўмаклашувчи “Ватанпарвар” ташкилоти Хоразм вилояти кенгаши тизимидаги ташкилотларнинг спорт секциялари тарбияланувчиларидан ташкил топган 17 та жамоанинг 37 нафар ёзги биатлончиси ўз маҳоратини намойиш этди.

Якуний сарҳисобларга кўра, қизлар биринчилигида Боғот тумани ўқув спорт техника клуби аъзоси Сарвиноз Султонбоева вилоят чемпионлигини қўлга киритган бўлса, Сурайё Комилова (Боғот тумани ЎСТК) ва Зиёда Жумамуратова (Қўшкўпир тумани ЎСТК) мос равишда иккинчи ва учинчи ўринни эгаллашди.

Ўғиллар орасида Қўшкўпир туманидаги “Ўртаёп” ўқув спорт техника клуби спортчиси Диёрбек Ражабов зафар қучди. Шунингдек, қўшкўпирлик Алимардон Умаржонов ва шовотлик Мирзабек Қадамбоев совриндор бўлишди.

Умумжамоа ҳисобида кучли учлик қуйидагича кўриниш олди:

1-ўрин. “Ўртаёп” ЎСТК. 2-ўрин. Боғот тумани ЎСТК. 3-ўрин. Қўшкўпир тумани ЎСТК.

Мусобақанинг ёпилиш маросимида қатнашган Ўзбекистон республикаси Мудофаасига кўмаклашувчи “Ватанпарвар” ташкилоти вилоят техник ва амалий спорт турлари маркази директори Одилбек Ибрагимов ғолиб ва совриндорни қутлаб, уларни диплом ва совғалар билан тақдирлади.

Эндиликда, энг яхши хоразмлик ёш ёзги биатлончилар 25-29 май кунлари Чирчиқ шаҳрида С.В.Ничипуренко хотирасига бағишлаб ўтказиладиган Ўзбекистон чемпионатида воҳа шарафини ҳимоя қиладилар.