25 фев 17:39
Янгиликлар
Спорт курашлари
Юнон-рум курашчиларимиз Венгриядаги Гран-Прида 3 та медалга сазовор бўлишди
22-24 февраль кунлари Венгрияда юнон-рум кураши бўйича Гран-При турнири бўлиб ўтди.
Мазкур рейтинг мусобақасида жаҳоннинг турли мамлакатларидан полвонлар совринли ўринлар учун кураш олиб бордилар.
Қувонарлиси, баҳсларда иштирок этган ўзбекистонлик спортчиларнинг уч нафари шоҳсупага кўтарилди. -55 кг вазн тоифасида юртимиз шарафини ҳимоя қилган Илҳом Баҳромов олтин медалга сазовор бўлган бўлса, мазкур вазндаги бошқа спортчимиз Жавоҳир Мираҳмедов бронза медалига эга чиқди. -60 кг вазнли спортчимиз Феруз Тўхтаев финалгача етиб борди ва кумуш медаль соҳибига айланди.
Ушбу иштирок орқали юнон-рум курашчиларимиз Токио Олимпиадаси лицензияси учун қимматли бўлган рейтинг очколарини ишлаб олишди.
Ҳавола :
Манба : olympic.uz
Фикрлар