13 сен 06:47
Янгиликлар

Спорт курашлари

Юнон-рум курашчимиз Жалгасбай Бердимуратов жаҳон чемпионати финалида курашди

Сербия пойтахти Белград шаҳрида спорт курашлари бўйича жаҳон чемпионати давом этмоқда.

Юнон-рум курашчиларимиздан икки нафари шоҳсупага кўтарилди. 55 кг вазнда курашган Жасурбек Ортиқбоев бронза медалини қўлга киритган бўлса, 82 кг вазнда юртимиз шарафини ҳимоя қилган Жалгасбай Бердимуратов жаҳон чемпионатининг кумуш медалига сазовор бўлди.

Токио Олимпиадаси иштирокчиси, Ислом бирдамлиги ўйинлари ғолиби илк даврада қозоғистонлик Диас Кален, 1/8 финалда хитойлик Вонг Ченгву, 1/4 финалда озарбайжонлик Рафиг Ҳусейнов, 1/2 финалда эса венгриялик Тамаш Леваини мағлубиятга учратди. Жаҳон чемпионлиги учун кечган муросасиз финалда эса у туркиялик Бурхан Акбудакка бир очко фарқи билан имкониятни бой бериб қўйди - 6:7.