Юнон-рум кураши. Икки нафар ҳамюртимиз лицензион турнирдаги иштирокини якунлади

Бугун кун давомида икки нафар ҳамюртимиз - Маҳмуд Бахшиллоев (-67 кг) ва Жалгасбай Бердимуратов (-87 кг) баҳсларда иштирок этди. 

Бахшиллоев афсуски илк босқичдаёқ қозоғистонлик рақибига имкониятни бой берди. 

Бердимуратов эса илк босқичда германиялик курашчидан устун келди, иккинчи даврада эса швециялик рақибга ютқазди. 

Вакилларимиз мағлуб бўлган курашчилар финалга қадар етиб бора олишмади ва шу тариқа бизнинг курашчилар ҳам лицензия учун кураш имкониятидан маҳрум бўлишди. 

Шу тариқа, Париж Олимпиадасида юнон-рум кураши баҳсларида уч нафар вакилимиз - Исломжон Баҳромов (-60 кг), Арам Варданьян (-77 кг) ва Рустам Ассакалов (-97 кг) иштирок этадиган бўлди.