16 сен 12:31
Янгиликлар
Спорт курашлари
Юнон-рум кураши. Тасмурадов ва Абдуллаев ЖЧдаги юришни муваффақиятли бошлади
Қозоғистон пойтахтида спорт курашлари бўйича жаҳон чемпионатининг навбатдаги куни қизғин давом этмоқда.
Бироз аввал энг оғир вазн тоифасида номдор классик курашчиларимиздан Мўминжон Абдуллаев (-130 кг) ўзининг дастлабки беллашувини ўтказди.
Болгариялик Милослав Методиев билан баҳс олиб борган вакилимиз 3:1 ҳисобида устун келди ва 1/8 финалга йўл олди. Ушбу босқичда унга хорватиялик Марко Косчевич рақиблик қилади.
Шунингдек, Рио Олимпиадаси совриндори Элмурат Тасмурадов (-60 кг) ҳам арманистонлик Геворг Ғарибянни мағлуб этишнинг уддасидан чиқди. Тасмурадовнинг кейинги рақиби жанубий кореялик Сенгхак Ким бўлади.
Токио Олимпиадаси йўлланмаси ва бронза медали учун ўтиш босқичида кураш олиб борган Жаҳонгир Турдиев эса польшалик Тадеуш Михаликка 3:4 ҳисобида имкониятни бой бериб қўйди.
Суратлар муаллифи: Анвар Ильясов
Ҳавола :
Манба : olympic.uz
Фикрлар