19 сен 10:44
Янгиликлар

Велоспорт

Забелинская бошчилигидаги велоспортчиларимиз Яшил қитъадаги жаҳон чемпионатида иштирок этишяпти

Австралиянинг Вуллонгонг шаҳрида велоспортнинг шоссе йўналиши бўйича жаҳон чемпионати бўлиб ўтмоқда.

Мусобақада дастлабки медаллар жамланмаси эркаклар ва аёллар ўртасидаги шахсий вақт пойгасида ўйналди. Унда иштирок этган Ольга Забелинская 34.2 км масофага кечган баҳсда 19-натижани қайд этди.

Чемпионат доирасида Забелинская ҳамда Янина Кускова 24 сентябрь, Муроджон Холмуродов эса 25 сентябрь куни гуруҳ пойгасида медаллар учун кураш олиб боради.