20 авг 09:12
Янгиликлар

Велоспорт

Забелинская ва Кускова Туркиядаги мусобақа совриндори!

Велоспортчиларимиз навбатдаги мусобақа совриндорлигини қўлга киритишди.

Туркияда бўлиб ўтаётган "Grand Prix Kayserie" халқаро мусобақасининг аёллар ўртасида бўлиб ўтаётган гуруҳ пойгасининг 88,2 км масофасида ўтган баҳсларда ҳамюртимиз Ольга Забелинская 2:49:49 сония билан олтин медални қўлга киритди, яна бир ўзбекистонлик велоспортчи - Янина Кускова эса 2:55:10 сония билан бронза медали соҳибасига айланди.

Шунингдек, спортчиларимиз Маргарита Мисюрина 2:55:31 сония билан 4-ўрин, Нафосат Қозиева 2:56:55 сония билан 5-ўрин ҳамда Шахноза Абдуллаева 2:59:44 сония билан 8-ўринларга сазовор бўлишди.

Шу тариқа, велоспортчиларимиз мазкур натижалар орқали Париж-2024 Олимпиадаси йўлида қимматли рейтинг очколарига эга бўлишди.