Заррух Адашев бошқа бир UFC жангчисига "вызов" ташлади

"Салом чемпион, ўтган ой жамоам бошқа жангчига қарши жанг қилиш учун шартнома бергани сабаб сен билан жангимиз ҳақидаги постни ўчириб ташлагандим. Ҳозир эса ўша рақиб ҳам 31 июль куни жанг қила олмаслиги маълум бўлди. Мен сени ва услубингни ҳурмат қиламан. Сен ўтган жангингдан 50 минг доллар олганингни ҳам биламан. Кел қон тўкамиз. Ушбу жангни қабул қил ва тугалланмаган ишимизни тугатиб қўяйлик. Ким кучлироқ ҳужумчи эканлигини билиб олайлик. Сизлар нима деб ўйлайсиз дўстлар?", -деб ёзади Заррух Адашев.

Эслатиб ўтамиз, Заррух Адашев май ойида Райан Бенуага қарши жанг қилиши керак эди. Аммо, Бенуанинг вазн ташлашда юзага келган муаммоси сабаб шифокорлар унга жанг қилишга рухсат беришмаганди.

Заррух жанг қилмоқчи бўлган жангчи Жефф Молина эса UFC'да битта жанг ўтказиб ғалаба қозонган. Молинанинг ММА'даги кўрсаткичи эса 9-2 ҳисобланади.