UFC Fight Night 267. Co-main event ва яна бир жангда нокаут қайд этилди

Турнирнинг co-main event жанги ярим ўрта вазн тоифасида ташкил этилди. Унда сербиялик Урош Медич тажрибали Жефф Нилга қарши октагонга чиқди. Жанг бироз кутилмаган натижа билан якунланди. Медис номдор рақибини биринчи раунднинг ўзида кетма-кет йўлланган зарбалар эвазига нокаутга учратди. Бу унинг кетма-кет учинчи жангда қўлга киритган ғалабаси бўлди. Урош иштирокидаги шу уччала жанг ҳам биринчи раундда тўхтатилганди. Бугунги ғалабаси эвазига у янгиланган рейтингда Топ-15`га киради. 

Аҳамияти жиҳатидан учинчи жангда ярим енгил вазн тоифаси вакиллари Мелкизаэл Коста ва Дэн Иге ўзаро тўқнаш келди. Бу жанг ҳам кутилмаган натижа билан тугади. Коста айланма (вертушка) зарба билан рақибини нокаутга учратди. Дэн Иге фаолиятида илк бор муддатидан аввал мағлуб бўлди.