11 июн 11:41
Янгиликлар
Қиличбозлик
Зайнаб Дайибекова Тбилисида Олимпиадага тайёрланмоқда
Қиличбозлик бўйича Ўзбекистон терма жамоаси аъзоси Зайнаб Дайибекова айни кунларда Грузиянинг Тбилиси шаҳрида ўқув-машғулот йиғини олиб бормоқда.
Мазкур йиғин спортчимизга Париж-2024 ёзги Олимпия ўйинларига тайёргарликнинг муҳим босқичи бўлиб хизмат қилмоқда. Дайибековага жамоа бош мураббийи Владимир Назлимов ҳамда спарринг шерик сифатида яна бир спортчимиз Муса Аймуратов ҳамроҳлик қилмоқда.
Режага кўра, қиличбозларимиз Олимпия ўйинлари олдидан 22-27 июнь кунлари Қувайтда ўтадиган Осиё чемпионатида ўз имкониятини синовдан ўтказиб олишади. Тбилиси йиғини 16 июнга қадар давом этади.
Ҳавола :
Манба : olympic.uz
Фикрлар