20 июл 18:38
Янгиликлар

Қиличбозлик, Токио-2020

Зайнаб Дайибекова: “Янги Ўзбекистонга янги ғалабалар билан қайтишга ҳаракат қиламан”

Кеча Токио Олимпиадасида иштирок этувчи асосий делегациямиз аъзоларини тантанали кузатиш маросими бўлиб ўтди.

Тадбирдан сўнг, Токио-2020 баҳсларида қиличбозликнинг сабля йўналишида юртимиз шарафини ҳимоя қиладиган спортчимиз Зайнаб Дайибекова olamsport.com сайтига мусобақа олди фикрларини билдириб ўтди:

“Худо хоҳласа юртимиз шарафини муносиб ҳимоя қилиб, Янги Ўзбекистонга янги ғалабалар олиб келишга, медаллар шодаси билан қайтишга бор кучим билан ҳаракат қиламан. Рақибларимнинг кўпчилиги ёши катта, ўзига яраша тажрибага эга спортчилар. Мен энг ёш спортчилардан бири бўлиб Ўзбекистон номидан қатнашаман. Кичкинаман демасдан бор кучим билан курашаман. Худо хоҳласа, ўзбекистонлик спортчилар қандай кучга эга эканлигини, қиличлари қанақа ўткирлигини дунёга кўрсатишга ҳаракат қиламан", - деди Зайнаб Дайибекова.