26 май 20:57
Янгиликлар

Бошқалар

Зоминда "Матонат оромгоҳи" бошланди!

Ўзбекистон Республикаси Президенти Ш.Мирзиёевнинг Ўзбекистон Миллий паралимпия қўмитаси таркибида “Матонат мактаби” ташкил этиш тўғрсидаги таклифига асосан қўмита томонидан бир қатор ишлар амалга ошириб келинмоқда.

Жумладан, жорий йилнинг 25-29 май кунлари Ёшлар ишлари агентлиги билан ҳамкорликда Жиззах вилоятида жойлашган “Зомин” болалар оромгоҳида паралимпия спортчилари ҳамда жисмоний имконияти чекланган ва ногиронлиги бўлган ёшлар учун “Матонат оромгоҳи” ташкил этилмоқда.

Бугун мамлакатимизнинг турли худудларидан ташриф буюрган 200 нафарга яқин жисмоний имконияти чекланган ва ногиронлиги бўлган ёшлар оромгоҳда катта тантана билан кутиб олинди.