Bahodir Jalolovning sobiq raqibi vaqtinchalik WBO chempionlik kamarini qo'lga kiritdi

Kechaning markaziy jangi superog'ir vazn toifasida vakant bo'lib turgan vaqtinchalik WBO chempionlik kamari uchun kechdi. Unda britaniyalik Jo Joys Yangi Zelandiya vakili Jozef Parkerga qarshi ringga ko'tarildi. Jangning 11-raundida Joys chap qo'lda bergan kuchli zarbasi evaziga Parker (30–3, 21 KO)ni nokautga uchratdi va kamarga ega chiqdi. 

Eslatib o'tamiz, Jo Joys Rio-2016 Olimpiadasida Bahodir Jalolovni mag'lubiyatga uchratgan edi. 37 yoshli Jo Joys hamon mag'lubiyat nimaligini bilmay kelyapti. 2017 yilning oktyabrida prof boksdagi faoliyatini boshlagan Joys 15 ta o'tkazib, barchasida g'alaba qozongan. Hisobida 14 ta nokaut bor.