Daniil Medvedev French Open uchinchi davrasiga chiqdi

Dunyoning ikkinchi raketkasi Daniil Medvedev Franciya Ochiq chempionatining uchinchi davra ishtirokchisiga aylandi. Rossiyalik tennis ustasi ikkinchi bosqich bahsida ATP reytingida 56-o'rinni egallab turgan serbiyalik Laslo Dereni mag'lub etdi - 6/3, 6/4, 6/3.

Ikki soatu 35 daqiqa davom etgan 26 yoshlilar uchrashuvida Daniil 7 ta eys va shuncha breyk-poyntni amalga oshirdi, 5 ta qo'shxatoga yo'l qo'ydi. Tennischilarning o'zaro uchrashuvlarida hisob tenglashdi - 1:1.

Endi Daniil Medvedev uchinchi davrada yana bir serb tennischisi Miomir Kechmanovichga qarshi kortga chiqadi. Miomir o'z o'rnida qozog'istonlik Aleksandr Bublikdan ustun keldi - 4/6, 7/5, 6/2, 6/1.