Eddi Xirn Entoni Joshua jang qilmoqchi bo'lgan bokschilar nomini aytdi

"Entoni Dillian Uayt bilan jang qilmoqchi. Men Jermeyn Franklinga agar ushbu jangda g'alaba qozonsang, Entoni bilan jang qilasan dedim. Aslida, u etarlicha motivaciyaga ega. SHu bilan birga, Joshuaning yangi jamoasi bor. Savol tug'iladi, ular yozda Dillian Uayt bilan jangdan oldin yana bitta jang o'tkazishni xohlashadimi?

2023 yilda Dillian Uayt, Tayson Fyuri va Deontey Uaylder bilan jang tashkil etilsa ajoyib bo'lardi. Uchchalasiga qarshi jang qilish... Bu aqlga sig'mas ish bo'lar edi. Lekin, hozircha o'zimizga ortiqcha baho bermaymiz. Bir narsa aniq — Entoni imkon qadar ko'proq jang qilishni xohlaydi", - dedi Xirn.