Promouter Joshua qachon Fyuri bilan jang qilmoqchi ekanligi haqida gapirdi

"Hozir men Entonining Tayson Fyuriga qarshi jangini faqatgina kelasi yilda ideal scenariy sifatida ko'ryapman. Bu asosiy maqsad. Oqilona qaraganda jang 2026 yilda bo'lishi kerak, lekin “oqilona qaror” va Fyuri qarorlari hamisha bir-biriga to'g'ri kelmaydi. U qaytishni xohlashi kerak. Bu uning shaxsiy qarori.

Biz keyingi raqibni juda ehtiyotkorlik bilan tanlashimiz lozim. Va menimcha, to'g'risini aytish kerak: keyingi jang kambek bo'ladi, u bizga yozda hal qiluvchi jang o'tkazish imkonini beradi. Biz Fyuri bilan jangni istaymiz. Agar u bo'lmasa ham, baribir yirik jang qilamiz.

Bizga top-15dan raqib kerak. Bu Fyuri, Usik, Dyubua yoki boshqa eng kuchlilardan biri bo'lmaydi. Bizga Entonining bir yildan ortiq tanaffusdan keyin raqobatbardosh jangga qaytishi uchun kerakli sportchi kerak. Bu bosqichda mag'lubiyat uning faoliyatiga qattiq zarba bo'ladi. SHuning uchun hammasini to'g'ri qilishimiz shart.

Joshua mashg'ulotlarga qaytdi — bu yaxshi belgi. Ko'p saytlar uning yanvar yoki fevral boshida ringga qaytishi mumkinligini yozmoqda. Lekin u hech qaerga shoshmayapti.

Fyuri haqida aytsam, uni jangga ko'ndirmoqchi bo'lsangiz, ish ancha murakkablashadi. Unga o'z xohishi bilan ish qilishga yo'l qo'yish kerak. Tayson tayyor bo'lsa va haqiqatan ham shuni xohlasa, siz bu haqda bilib olasiz. Bizningcha, jang bo'lishi mumkin, lekin biz bundan oldin ham ko'p marta shunday vaziyatdan o'tganmiz. Fyurining keyingi qadamini oldindan taxmin qilish juda qiyin. Agar u qaytishga qaror qilsa, men boshqa sababni ko'rmayapman — faqat Joshuaga qarshi jang. Umid qilamanki, u 2026 yil boshida qaytib jang qiladi, keyin biz ham o'z jangimizni o'tkazib, nihoyat uchrashamiz", — dedi Xirn Sky Sports’ga.