Feliks Oje Bazelni zabt etdi

Bosh sovrin dunyoning to'qqizinchi raketkasi Feliks Ojega nasib etdi. Kanadalik tennischi roppa-rosa 100 daqiqa davom etgan final uchrashuvida reytingning 25-pog'onasidan joy olgan daniyalik Xolger Runeni 6/3, 7/5 hisobida mag'lubiyatga uchratdi. 

Bu tennischilarning o'zaro o'tkazgan ilk uchrashuvi edi. Oje 11 ta eys, 3 ta qo'shxato va 2 ta breyk qayd etdi. Bazeldagi bir haftalik muvaffaqiyatli ishtirok Feliksga 500 reyting ochkosi hamda 399,320 evro mukofot puli keltirgan.