Joshuaning murabbiyi: "Agar uchinchi jang tashkillashtirilsa, Joshua Usikni mag'lub etadi"

Murabbiy kelgusi raqiblarga nomzod sifatida Aleksandr Usik variantini ham istisno qilmadi.

"Agar Usikka qarshi uchinchi jang bo'lsa, Joshua aniq uni mag'lub etadi. O'ylashimcha, u ko'p narsalarni tushunib etdi. Biz shunchaki diqqat-etiborimizni Entoniga qaratishimiz lozim. Umid qilamanki, biz kelgusi yil so'ngida Fyuri - Joshua jangi guvohiga aylanamiz. Xudo biladi, ehtimol Usik yoki Endi Ruizga qarshi jang bo'lar. Xullas Entoni uchun bir qancha ajoyib variantlar bor", - deya Fernandesning so'zlaridan iqtibos keltiradi BoxingScene nashri.