“Kodakan”da yil bellashuvi o'tkazildi

Boisi ushbu majmuada Yaponiya terma jamoasining Tokio Olimpiadasida -66 kg vazn toifasida ishtirok etadigan vakili aniqlab olindi.

Bellashuvda 2017 va 2018 yillardagi jahon chempioni Xifumi Abe hamda 2019 yilgi chempion Joshiro Maruyama ishtirok etishdi. Kutilganidek, bahs g'olibi asosiy daqiqada aniqlanmadi. G'olib naqd 24 daqiqa davom etgan kurashdan so'ng malum bo'ldi. Abe ushbu daqiqada o'ng oyog'i yordamida chalish usuli bilan hujumga o'tdi va bu yakunda uning g'alabasini taminladi.

Takidlash joiz, ular 2019 yil Tokiodagi dunyo birinchiligining yarim finalida ham to'qnash kelishgan va unda Moruyamaning qo'li baland kelgan edi. Yana bir qiziq jihat, Xifumi shu paytgacha o'zbek dzyudochilari bilan bir bor to'qnash kelgan. 2015 yil Toshkentda o'tgan Gran-prida Dostonjon Xoliqulov ushbu yaponiyalik dzyudochiga mag'lub bo'lgan.

Umuman olganda, bungacha har ikki dzyudochining xalqaro maydondagi o'zaro qarama qarshiligi 2:2 ko'rinishida edi. Ushbu kurashdan so'ng dzyudo olamida “Dream team” nomini olgan terma jamoaning Tokio Olimpiadasida kurashadigan to'liq tarkibi malum bo'ldi. Yana bir ahamiyatli jihati, tarkibda ayollar o'rtasidagi -52 kg vazn toifasida Xifumening singlisi Yuta Abeni ham uchratish mumkin. 

Yaponiya jamoasining Olimpiadada kurashuvchi tarkibi esa quyidagicha ko'rinish oldi:

Erkaklar:

-60 kg: Naoxia Takato

-66 kg: Xifumi Abe

-73 kg: SHoxei Ono

-81 kg: Takanori Nagae

-90 kg: SHoichiro Mukai

-100 kg: Aaron Volf

+100 kg: Xisayoshi Xarasava

Ayollar:

-48 kg: Funa Tonaki

-52 kg: Yuta Abe

-57 kg: Cukasa Yoshida

-63 kg: Miku Tashiro

-70 kg: CHizuru Arai

-78 kg: SHori Xamada

+78 kg: Akira Sone