Monte-Carlo Masters. Medvedev muvaffaqiyatli start oldi

Dunyoning beshinchi raketkasi Daniil Medvedev nufuzli musobaqadagi ishtirokini g'alaba bilan boshlab oldi. Rossiyalik tennischi ikkinchi davrada ATP reytingida 45-o'rinni egallab turgan italiyalik Lorenco Sonegoni 6/3, 6/2 hisobida mag'lubiyatga uchratdi. 

Bir daqiqasi kam bir yarim soat davom etgan bahsda Medvedev 2 ta eys, 4 ta qo'shxato va 3 ta breyk qayd etdi. Bu tennischilarning o'zaro o'tkazgan ikkinchi uchrashuvi edi - 2:0. Daniil ushbu mavsumdagi 30-g'alabasini tantana qildi. Ushbu ko'rsatkich bo'yicha u yakka peshqadam bo'lib turibdi.

Medvedev Rolex Monte-Carlo Masters turnirining uchinchi bosqichida germaniyalik Aleksandr Zverevga qarshi kortga chiqadi.