Osiyo chempionati sovrindorlari Aziz Tojiev va Xurshidbek Rasuljonov hamda yana bir vakilimiz bugun prof boksdagi navbatdagi jangini o'tkazadi

Ahamiyatlisi, mazkur oqshom doirasida o'zbekistonlik charm-qo'lqop ustasi Xurshidbek Rasuljonov (3-0), Azizbek Tojiev (3-0) hamda Sardor Muzaffarov (4-8) ham ringga ko'tariladi. 

Xurshidbek Rasuljonov (3-0) - Maksim Azimov (1-2-2, Rossiya)

Azizbek Tojiev (3-0) - Sardor Muzaffarov (4-8)

Mazkur professional boks oqshomi Toshkent vaqti bilan 18:30 da start oladi va "MatchBoec" hamda "MatchTV" telekanallari orqali efirga uzatiladi.

Eslatib o'tamiz, Xurshidbek Rasuljonov havaskor boksda yoshlar o'rtasidagi Osiyo chempionati kumush medali sohibi hisoblanadi. U 2022 yildagi U22 Osiyo chempionatida oltin medalni qo'lga kiritgan edi, ammo doping aniqlangani sabab 3 yilga havaskor boksdan chetlatilib, natijasi bekor qilingan edi.

Azizbek Tojiev ham o'tgan yilgi U22 Osiyo chempionatida ishtirok etib, oltin medalni qo'lga kiritgan edi.