17 yoshli Mirra Andreeva "Rolan Garros" 1/2 finalida!

Ayni paytda WTA reytingida 38-o'rinni egallab turgan Mirra "Katta Dubulg'a" turkumiga kiruvchi "Rolan Garros" turnirining 1/4 finalida dunyoning ikkinchi raketkasi, belaruslik Arina Sobolenkoni mag'lub etishni uddaladi - 6/7(5), 6/4, 6/4. Andreeva tennischilarning o'zaro uchinchi uchrashuviga kelib ilk bor nomdor raqibasini taslim etdi - 1:2.   

Ikki soatu 29 daqiqa davom etgan bahsda Andreeva 4, Sobolenko 3 ta eys zarbasini amalga oshirdi. Qo'shxatolar rossiyalik tennischida bittaga ko'proq bo'ldi - 7 ga 6. Breyklar bo'yicha ustunlik ham Mirra tomonida - 8 ga 6! 17 yoshli tennischi faoliyatida ilk bor "Katta Dubulg'a" turnirlarining 1/2 finalida o'ynaydi.  

Uning final chiptasi uchun kechadigan bahsdagi raqibasi italiyalik Jasmine Paolini bo'ladi. "Rolan Garros" yakunlariga ko'ra Andreeva o'zining reytingdagi shaxsiy rekordini yangilaydi. U kamida dunyoning 23-raketkasiga aylanadi. Agar chempion bo'la olsa, yana ham yuqoriroqqa ko'tariladi.