17 yoshli tennischimiz Plovdiv Challenger turnirining asosiy to'riga chiqdi

Unda O'zbekistonning uchinchi raketkasi Nikita Belozercev ham muvaffaqiyatli ishtirok etdi. Saralash bahslarida o'ninchi raqam ostida tasniflangan 17 yoshli tennischimiz 1/2 finalda bolgariyalik Anas Mazdrashkini 6/2, 6/2, hal qiluvchi final uchrashuvida esa reytingda o'zidan 190 pog'ona yuqorida borayotgan ruminiyalik Romeyn Fakonni 6/3, 4/6, 6/3 hisobida mag'lub etdi. 

Taqqoslash uchun, Nikita Belozercev ATP reytingida 765, Anas Mazdrashki 828, Romeyn Fakon esa 575-o'rinni egallab turibdi. Bugun vakilimiz asosiy to'rning ilk davrasida dunyoning 363-raketkasi italiyalik Enriko Dalle Vallega qarshi kortga chiqadi. Ushbu bahs bizning vaqt bilan soat 14:00da boshlanadi.