2020/2021 o'quv yilidan Olimpiya zaxiralari kollejlari faoliyati tashkil etiladi

Unga ko'ra, Jismoniy tarbiya va sport vazirligi tizimidagi ixtisoslashtirilgan olimpiya zaxiralari maktab-internatlari negizida olimpiya zaxiralari kollejlari tashkil etiladi va ularning faoliyati 2020/2021 o'quv yilidan boshlab yo'lga qo'yiladi.

Olimpiya zaxiralari kollejlarida talim ikki bosqichda amalga oshiriladi:

1. Umumiy o'rta talim — 7-9 sinflar;

2. O'rta professional talim — 9-sinfdan keyingi bir yillik talim.

Olimpiya zaxiralari kollejining asosiy faoliyati jismoniy tarbiya va sport sohasida yuqori malakali mutaxassislar hamda sportning olimpiya turlari bo'yicha terma jamoalarni shakllantirish uchun sport zaxirasini tayyorlashga yo'naltiriladi.

2020/2021 o'quv yilidan boshlab olimpiya zaxiralari kollejlarining o'rta professional talim bosqichida futbol bo'limlari tashkil etiladi va ularda futbol bo'yicha mutaxassislar (sportchilardan tashqari) tayyorlanadi.

Qaror bilan, shuningdek:

- Olimpiya zaxiralari kollejlari to'g'risidagi Nizom;

- Olimpiya zaxiralari kollejiga o'quvchilarni qabul qilish, attestaciyadan o'tkazish va ularning o'qishini ko'chirish tartibi to'g'risidagi Nizom;

- Olimpiya zaxiralari kollejlarida oziq-ovqat bilan taminlash xarajatlarini qisman qoplash uchun ota-onalar to'lovni to'lash tartibi to'g'risidagi Nizom kabilar ham tasdiqlandi.