07 fev 16:30
Yangiliklar

Tennis

Abu Dhabi Open. Naomi Osaka ilk davradayoq yutqazdi

BAA poytaxti Abu-Dabi shahri tennis bo'yicha nufuzli WTA 500 toifasiga kiruvchi turnirga mezbonlik qilmoqda.

WTA reytingida 757-pog'onada borayotgan yaponiyalik Naomi Osaka birinchi davrada dunyoning 71-raketkasi, amerikalik Daniel Kollinzga 5/7, 0/6 hisobida imkoniyatni boy berib qo'ydi. Tennischilarning o'zaro uchrashuvlarida hamon Osaka oldinda bormoqda - 3:2.

Sakson to'rt daqiqa davom etgan bahsda Osaka 7, Kollinz 5 ta eys zarbasini amalga oshirgan. Qo'shxatolar Danielda ko'proq bo'ldi 3 ga 2. Breyklar bo'yicha mutlaq ustunlik ham Kollinzda - 4:0. Endi amerikalik tennis malikasi Mubadala Abu Dhabi Open turnirining 1/8 finalida qozog'istonlik Elena Ribakinaga qarshi kortga chiqadi.