Adhamjon Ergashev – o'smirlar o'rtasida jahon chempioni!

Malayziyaning Penang shahrida bo'lib o'tayotgan o'smirlar o'rtasidagi jahon chempionatiga federaciya raisi o'rinbosari SHahrillo Mahmudov birgina sportchini olib ketdi. (U kishining o'zi chempionat oldidan o'tkazilgan Xalqaro Osiyo og'ir atletika federaciyasi ijroiya qo'mitasi yig'ilishi va Kongressida qatnashdi. Yoshlar va o'smirlar terma jamoamizning to'liq tarkibi esa boshqa bir masuliyatli musobaqa – noyabr oyida Yaponiyada tashkil etiladigan qita chempionatiga hozirlik ko'ryapti.)

Muhimi shuki, ishonch bildirilgan sportchimiz o'zini yuksak darajada oqladi. Namangan viloyati Yangiqo'rg'on tumanida tug'ilib o'sgan Adhamjon Ergashev II o'smirlar Olimpiya o'yinlari va yoshlar (o'zidan 2-3 yosh kattalar) o'rtasidagi jahon chempionati sovrindori xisoblanadi.

Endi o'z yosh toifasida jahon chempioni ham. Adhamjon dast ko'tarishdayoq oltin medalni qo'lga kiritib, g'oliblikka asosiy davogar ekanligini bildirib qo'ydi. Uchinchi urinishda zarur bo'lgan 125 kg og'irlikdagi toshni ko'tarib, asosiy raqibi – Rossiya vakili Zulfat Garaevdan 1 kg o'zib ketdi.

Kolumbiyalik sportchini 4 kg, CHin yurti polvonini esa 5 kg ortda qoldirib ketdi. Bu – chempionlik uchun qo'yilgan dadil qadam edi. Zero Garaev siltab ko'tarishda hamyurtimizga qarshi turib bera olmadi, 6 kg kam natija qayd etdi. Koreyalik Vi SHinning bu yo'ldagi harakatlari ham zoe ketdi – u 150 kgda to'xtadi.

Tan olish kerak, Xitoy vakili ikkinchi mashq bo'yicha 156 kg ko'rsatkich bilan birinchi o'ringa chiqdi, lekin bu umumiy hisob uchun etarli emas edi. Ergashev 155 kg toshni o'ziga bo'ysundirib, ikkikurashda 280 kg jamg'ardi. Uning eng yaqin taqibchisi Yunban Vey 276 kg to'pladi. Ishonchli g'alaba! Darvoqe, kuchli guruhda o'zbek sportchisi yuqorida tilga olib o'tilgan davlatlardan tashqari Kolumbiya, Turkiya, Ozarboyjon, Qozog'iston, Indoneziya kabi og'ir atletika kuchli rivojlangan mamlakatlar atletlarini ham ortda qoldirdi.

62 kg vazn toifasida kuchli beshlik tarkibi quyidagicha ko'rinish oldi:

1.  Adhamjon Ergashev (O'zbekiston) – 125+155=280

2.  Yunban Vey (Xitoy) – 120+156=276

3.  Zulfat Garaev (Rossiya) – 124+149=273