30 jan 08:57
Yangiliklar

Boks/MMA, Tokio-2020

Ahmadaliev Las-Vegasda afsonaviy Meyvezer bilan uchrashdi+FOTO

Rio-2016 Olimpiadasi sovrindori Murodjon Ahmadaliev dunyo boks markazi hisoblangan AQSHning Nevada shtati Las-Vegas shahrida afsonaviy bokschi Floyd Meyvezer bilan uchrashdi.

Xabaringiz bor, Ahmadaliev faoliyatini professional boksda davom ettirish maqsadida okean ortiga yo'l olgandi. Hozircha u hech bir promouterlik kompaniyasi bilan rasman shartnoma imzolagani yo'q.

“Bu inson bokschilar uchun etalon. Men Floyd @floydmayweather bilan uchrashganimdan xursandman. Ilojsiz narsaning o'zi yo'q. Hammasi o'zimizga bog'liq. Muhimi, maqsad qo'yib, unga intilish”, - deydi Ahmadaliev.

Malumot uchun, Murodjon Ahmadaliev Las-Vegasda kechgan boks oqshomida Meyvezer bilan suratga tushgan. Bu boks kechasida hamyurtimiz Sanjar Rahmonov ringga ko'tarilgan va raqibini nokautga uchratgandi. Rahmonov aynan Meyvezer promouterlik kompaniyasining azosi hisoblanadi.