AIBA JCH medallariga davogarlar orasida 8 nafar o'zbek bokschisini qayd etdi (davomi)

Etiboringizga ushbu maqolaning o'zbekcha variantdagi davomini taqdim etamiz.

AIBA JCH medallariga davogarlar orasida 8 nafar o'zbek bokschisini qayd etdi

-69kg: Jahon chempionatida ushbu vazn toifasi yana kuchli bokschilarni o'zida jamladi. Olimpiada va jahon chempioni, kubalik Roniel Iglesias yana o'z formasini tiklab olgan. SHuningdek, Rio Olimpiadasi kumush medali sohibi, o'zbek SHahram G'iyosov ham turnirda qatnashadi. Undan tashqari Evropa chempionati finalchilari germaniyalik Abbos Barau va ingliz Pet Makkormaklar ham jahon chempionligi yo'lida bor imkoniyatlarini ishga soladilar.




-75kg: Ukrainalik Aleksandr Xijnyak Xarkovdagi muvaffaqiyatini Gamburgda ham takrorlashga harakat qiladi. SHuningdek, o'zbekistonlik Isroil Madrimov ham ushbu vazn toifasiga ko'tarilganidan so'ng muvaffaqiyatlarga erishib kelmoqda. U jahon va Olimpiada chempioni hisoblangan kubalik Arlen Lopesdan ustun kela olgan.



-81kg: Ushbu vaznda kubalik Xulio Sezar La Krez terma jamoadagi sherigi Lazario Alvares kabi o'zining to'rtinchi chempionligini qo'lga kiritish uchun keladi. Unga bu yo'lda kuchli zarbaga ega o'zbekistonlik Bektemir Meliqo'ziev halal berishi kutilmoqda. Uch karra Evropa chempioni va Dohadagi JCH kumush medali sohibi hisoblangan Jo Uord ham Evropa chempionatidagi oltin medali oldiga jahon chempionati oltin medalini ham qo'shib qo'ymoqchi.



+91kg: Kubalik Xose Larduet va ingliz Frezer Klarklarning yo'qligi Kamishbek Konkabaev (Qozog'iston) va Bahodir Jalolov (O'zbekiston) kabi bokschilarga medal yutish imkoniyatini yaratadi. SHuningdek, sovrindor bo'lishi mumkin bo'lgan bokschilar ichida ikki karra jahon chempioni Mahammadrasul Majidov, Evropa chempioni Viktor Vixrist va rossiyalik Maksim Babaninlarni ko'rsatish mumkin.