AIBA ЖЧ медалларига даъвогарлар орасида 8 нафар ўзбек боксчисини қайд этди

Эътиборингизга ушбу мақоланинг қисқача мазмунини тақдим этамиз.

-49 кг: Рио Олимпиадаси чемпиони, энг яхши боксчи учун бериладиган "Вэл Баркер" соврини соҳиби Ҳасанбой Дўсматов енгил вазн тоифасида ғолиб чиқиш учун асосий даъвогар  ҳисобланади. Ундан ташқари Рио Олимпиадаси кумуш медали соҳиби колумбиялик Юбержен Мартинес ҳам 2017 йилни яхши ўтказмоқда. Уларга бош соврин учун курашда кубалик Йоханна Аргилагос, россиялик Василий Егоров, испаниялик Самуэль Кармона ва ҳиндистонлик Амит Пангаилар ҳалал беришлари мумкин. Олимпиадада икки маротаба қатнашган Карлос Куимо (Эквадор) ва инглиз Галал Яфайлар ҳам жангларга тайёрлар.



-52 кг: Ушбу вазн тоифасида икки йил олдин Доҳада кумуш медални қўлга киритган кубалик Йосбани Веитиа етакчи ҳисобланмоқда. Шунингдек, Европанинг икки карра чемпиони Данил Асенов ҳам Харковда ўзини яхши томонлама кўрсата олганди. Жазоир терма жамоаси аъзоси Муҳаммад Флисси сўнгги иккита жаҳон чемпионатида ҳам совриндорлар қаторидан жой олганди. Ўзбекистон терма жамоасига қайтган Жасурбек Латипов ҳам бронза ва кумуш медалларини олтинга айлантириш учун ишонч билан ҳаракат қилади. Мехбон Хамза Тоуба ва украиналик Дмитрий Замотаевлар ҳам турнирга яхши тайёрланганлар.



-56кг: Гамбургда бизни Америка чемпиони, доминиканлик Леонел Сантос, Европа чемпиони ҳисобланган англиялик Петр МакГраил ва Осиёда тенгсиз деб топилган Муроджон Аҳмадалиевлар ўртасида жуда қизғин баҳслар кутмоқда. Хавьер Ибанес ҳам "Куба Домадорес" сафида бу мавсум яхши таассурот қолдира олди. Шунингдек, АҚШнинг ёш вакили Герцог Раган ҳам чемпионатга ўзига ишонган ҳолда ташриф буюрмоқда.



-64кг: Доҳа турнири чорак финалчиси ҳисобланган кубалик Энди Круз янги вазн тоифасига анча мослашиб олди. Германиялик Артём Арутюнян эса ўз мамлакатида бўлиб ўтадиган чемпионатда ҳам ўзини кўрсатишга ҳаракат қилиши аниқ. Шунингдек, россиялик Виталий Дунайцев чемпионлик унвонини ҳимоя қилиши лозим. Рио Олимпиадаси кумуш медали соҳиби Лоренцо Сотомайор ҳам одатдагидек совриндор бўлиш учун даъвогарлар орасидан ўрин олган. Ўзбекистон эса ушбу чемпионатда янги истеъдод соҳиби ҳисобланган Иқболжон Холдоров билан қатнашмоқда. 




Давоми бор...