Andijonda "Oltin vodiy" turniri yakunlandi

Turnirda eng yosh sportchi 9 yosh, eng kattasi esa 36 yoshni tashkil qildi.

Musobaqada Qoraqalpog'iston Respublikasi, Navoiy, Jizzax, Qashqadaryo, Farg'ona, Namangan, Andijon, Toshkent viloyatlari va Toshkent shahridan tashrif buyurgan sportchilar qatnashdilar. SHuningdek, qo'shni Qozog'istondan ham vakillar turnirda ishtirok etdilar.

Turnirda umumiy hisobda 247 nafar sportchi qatnashdi. Ular Andijon shahrida joylashgan qilichbozlik majmuasiga qarashli mexmonxonada bepul istiqomat qildilar.

SHpagachilar o'rtasidagi bahslarda ikkala oltin medal ham navoiylik sportchilar tomonidan qo'lga kiritildi. Igor Knyazev va Malika Hakimovalar barcha raqiblaridan ustun keldilar. Jamoaviy bahslarda esa erkaklar o'rtasida Andijon, qizlar o'rtasida esa Toshkent jamoalari g'olib deb topildi.

Rapira bahslarida esa Toshkent shahri jamoasi vakili Qurbon Qanoatov erkaklar o'rtasida, ayollar o'rtasida esa Umida Ilyosova tengsiz deb topildi. Taqdirlash marosimiga Andijon shahri hokimi tashrif buyurdi va g'oliblarga o'z sovg'alarini taqdim etdi: 1-o'rinni qo'lga kiritgan sportchilar Artel televizori, 2-o'rin sohiblari esa Artel elektropechlari, 3-o'rinni qo'lga kiritgan qilichbozlarga esa multivarkalar taqdim etildi. Jamoaviy bahslarda esa Toshkent shahri vakillari g'oliblikni qo'lga kiritdilar.

Sablya bahslarida esa erkaklar o'rtasida Alimov Samandar tengsiz deb topildi. Qizlar o'rtasida Qoraqalpog'iston vakilari Aysulu Usnatidinova g'alaba qozondi. Jamoaviy bahslarda ham Toshkent jamoalari g'alaba qozondi.